طريقه ممتازه ومسليه للي تبي تتعلم انجليزي

تبون الصراحه اللي اغلب المعاهد اللي عندنا مايقولون لنا هي ويخبونها عنننا علشان لانتعلم زين

ونرجع ندفع لهم فلوس ثاني علشان كورس ثالث ورابع وخامس والللللخ

ترى اهم شي يقوي اللغه الاستماع, كلنا نعرف اننا كاناث حاسه السمع عندنا اقوى من كل الحواس

علشان كذا الذكيه اللي تتفرج افلام ومسلسلات امريكيه.... ادري كلكم تقولون والله ٢٤ ساعه على ام بي سي ٤ واكشن ومدري وش اسمها القنوات الثانيه بس غلط

هالقنوات كل اللي تعرضه مترجم وانتي بدال ماتقوين لغتك تضعفين مستوى وحده نظرك لان بتقعدين تبحلقين في الترجمه طوال الوقت

عادي لو مافهمتي نص الفلم وا كله من اول مره المهم انك عودتي اذنك على انها تفهم الكلمات

مره مع مره صدقوني والله ماتحتاجون هالترجمه اذنك بتكون قد انها اتعودت على الكلمه وطبعا مااحنا اغبياء اكيد بنفهم من حركات الوجه والجسم اقلها في البدايه

والاذاعه بعد مررره شي حلو ترى

حاولوا تحطون على الام بي سي الغربيه شوي شوي راح تفهمين وتحفطين الكلمات


بيني وبينكم انا مااتعلمت زين الا بعد ماحفظت لي درزن اغاني لوووول >>>> ادري بتقولون فاسده بس اللي ماتسمع اغاني تحط السعوديه الثانيه خخخخخخخخخ

طبعا اول مره ماراح تلقطين ولا كلمه لكن الذكاء انك تجيبين اسم الاغنيه او المقطع وتسوين له بحث في قوقل وراح تطلع لك الكلمات

ماعليك الا انك تترجمينها وشوفي كل كلمه ايش معناها وعلى قولتهم كثره التكرار تعلللم احم احم


بس والله يابنات ماا امزح ترى هذا الشي كانوا يسوون لنا هو لمن كنت في المعهد اتعلم انجليزي كان المدرس يعطينا واجب اننا نسمع الراديوا ونكتب الللي قدرنا نسمعه مو شرط كثير اهم شي اللي سمعناها وفهمناه

ومن جد كل مره نحل فيها الوجب الكلام يزيد وقدرتك على لقط واستيعاب الكلمه تقوى

ها وش رايكم فيني عطيتكم السر بس ياويلكم ماتسوونه بعد هالموضوع الطويل  

شكرا ياعسل

طال السفر كتب:
عادي لو مافهمتي نص الفلم وا كله  

وا = أو >> عجزانه تروح لكفش كفيش


يسلموو طال السفر

موضوع مفيد ومن جد يفيد

ماننحرم ياقلبي

يعطيك العافيه طال السفر بصراحه أناودي اتعلم انجليزي